قال الرئيس عبدالفتاح السيسى إن مصر قبل إنشاء مركز البيانات والحوسبة السحابية، كانت تلجأ إلى الخارج من أجل حفظ بياناتها.
وأضاف الرئيس السيسى، خلال افتتاح مركز البيانات والحوسبة السحابية في العاصمة الإدارية: “قبل ما نعمل ده كنا بنودي بياناتنا تبقى موجودة برا وده نظام موجود في الدنيا، بس قولنا بياناتنا تبقى موجودة عندنا ونوفر التكلفة دي ونحافظ عليها”.
وأأوضح السيسي: “بدأنا المجال ده في 2018 وإحنا بنعمل العاصمة، كانت كل وزارة عندها سيرفرات خاصة بها، لما جينا عملنا الانتقال وإنشاء حكومة في مكان جديد مكانتش عبارة عن مباني شكلها كويس، عملنا كل المعايير المطلوبة عشان الحكومة دي تبقى متقدمة طبقا للمعايير العالمية”.
وأضاف السيد رئيس الجمهورية: “ركزنا على إنشاء مراكز بيانات، وقولت هنعمل مركز رئيسي واحد متصل بالحكومة ومحدش هيقدر يخش على الشبكة دي عشان هتبقى مؤمنة تأمين كامل بكل الطرق، الحكومة داخل الوزارة الواحدة تستطيع العمل من خلال شاشات الحواسب الموجودة وتبادل المعلومات والقرارات مع باقي الوزارات المختلفة وبالتالي بقى سرعة وحجم ودقة العمل أكبر بكتير من اللي كنا ماشيين بيه قبل كده”.
تحدث الرئيس السيسي، عن فرص العمل المتاحة والكبيرة في مجال الاتصالات وتكنولوجيا المعلومات، متابعا: “ده أكبر قطاع ممكن، وبقول الكلام ده للمصريين والناس اللى بتعلم ولادها من الكلام ده.. بلد فيها 106 ملايين.. العنصر البشري المطلوب فيها قليل.. أرقام غير خالص اللى الدكتور عمرو طلعت وزير الاتصالات فرحان بيها.. مصر لو عندها كوارد بشرية متقدمة وهو بيتكلم هنا عن التعهيد.. ممكن أوى وما خرجتش عن المحاضرة والكلام بتاعنا”.
وأضاف السيد رئيس الجمهورية : بنبه المصريين لتعليم ولادهم في مراكز للثانوية العامة.. علشان يتعلموا التطور التكنولوجي.. المجال ده عاوز مليون كل سنة.. على المستوي الثالث “البرمجة الحديثة” اللى بيشتغل فيها بيعمل آلاف الدولارات في السنة.
